Норвегия футбол федерацияси (NFF) раҳбари Лизе Клавенесснинг маълум қилишича, федерация ФИФА президенти Жанни Инфантинога нисбатан йўлланган шикоятни қўллаб-қувватлаган ва бу ҳақда халқаро ташкилотга расмий мактуб юборган.
NFF "FairSquare" инсон ҳуқуқлари ташкилотининг позициясини қўллаб-қувватлаган ҳолда, Дональд Трампни тақдирлаш ФИФА уставидаги сиёсий бетарафлик қоидаларига зид келишини текширишни талаб қилган.
Лизе Клавенесснинг таъкидлашича, ушбу мактуб айрим сиёсий реакцияларни келтириб чиқарган бўлса-да, Норвегия жаҳон чемпионати якунланганидан сўнг жараённи кузатиш ва босимни оширишда давом этади.
Будапештда бўлиб ўтган учрашувда ФИФА вакиллари билан конструктив суҳбат ўтказилган ва Норвегия ўз позицияси бўйича бошқа федерациялардан ҳам қўллаб-қувватлов олгани қайд этилган.
