"Челси" ва "Реал" жамоаларининг собиқ ярим ҳимоячиси жаҳон чемпионати олдидан "Quick" компаниясининг маркетинг кампаниясида иштирок этмоқда. У "Эден" номи остида уч хил кўринишдаги бургерларни реклама қилади:
Бургерлар уч хил танловда тақдим этилади: мол гўшти, товуқ ёки балиқ филеси билан.
Котлета ёки филе икки баробар кўп эритилган чеддер пишлоғи, қовурилган пиёз ва аччиқ андалузча соус билан тўлдирилади.
Барча масаллиқлар андалузча услубдаги зираворли булочка ичида жойлаштирилади.
Шунингдек, сотувдан тушган маблағнинг бир қисми "QuickFix" лойиҳасига йўналтирилади. Бу ташаббус доирасида фастфуд тармоғи бутун Бельгия бўйлаб болалар ва ёшлар спорт майдончаларини таъмирлаш ва янгилаш билан шуғулланади.
