"Corriere dello Sport" нашрининг хабар беришича, туринликлар ҳимоячи билан 2030 йилга қадар мўлжалланган янги келишувга эришмоқчи, шунингдек, ушбу битимга яна бир мавсумга узайтириш опцияси ҳам киритилиши режалаштирилган. Таъкидлаш жоизки, томонларнинг амалдаги шартномаси 2029 йилда якунига етади.
Ҳозирда франциялик футболчи йилига тахминан 2,5 миллион евро маош олмоқда. Калулу ўз даромадини бонуслар билан бирга 4 миллион еврога етказишни истамоқда, "кекса синьора" эса футболчига мукофот пулларини ҳисобга олган ҳолда 3,5 миллион евролик маош таклиф қилмоқда.
Шу билан бирга, Пьер Калулу "Манчестер Юнайтед" клубининг ҳам эътиборида. Манкунианликлар скаутлари "Ювентус"нинг "Милан"га қарши сўнгги ўйинини кузатиб боришди ва футболчининг ҳаракатларидан мамнун қолишди. Туринликлар ҳимоячи учун 40 миллион евродан кам бўлмаган маблағ талаб қилишига қарамай, МЮ уни таркибига қўшиб олишга уриниб кўриши мумкин.
