"La Gazzetta dello Sport" нашрининг хабар беришича, "кўклар" раҳбарияти 26 ёшли италиялик футболчини янги мавсум олдидан қанот ҳимоячиларига идеал қўшимча сифатида кўрмоқда.
Хабарларга кўра, "Ювентус" аллақачон асосий ўйинчиси учун нарх белгилаб қўйган ва Турин клуби 40-50 миллион евро оралиғидаги таклифларни кўриб чиқишга тайёр.
"Бьянконери"нинг бу дадил позицияси қаттиқ молиявий воқелик билан боғлиқ. "Ювентус" кейинги мавсум Чемпионлар Лигасида ўйнамайди, бу эса катта йўқотишларга олиб келди. Энди клуб маошларни қисқартиришга ва асосий ўйинчиларни сотиш орқали бюджетини зудлик билан тўлдиришга мажбур.
Италиялик ҳужумчи ушбу мавсум Турин жамоаси сафида 47 ўйинда майдонга тушиб, 3 та гол урди ва 5 та голли узатмани амалга оширди. Transfermarkt унинг ҳозирги қийматини 20 миллион евро деб баҳоламоқда.
