Томонлар ўртасидаги музокаралар ҳануз давом этмоқда. Бу ҳақда The Athletic нашри хабар бермоқда.
Манбанинг таъкидлашича, "шаҳарликлар" 23 ёшли хавбек борасида дастлабки таклифни юборишган, аммо "Ноттингем" келишув шартларини қабул қилмаган. Шу билан бирга, "шаҳарликлар" Андерсонни ярим ҳимоя чизиғини кучайтириш учун асосий мақсадлардан бири сифатида кўриб, трансфер устида ишлашни давом эттириши кутилмоқда.
Ўйинчига "Манчестер Юнайтед" ҳам қизиқиш билдирмоқда, бу эса уни қўлга киритиш учун рақобатни янада кучайтириши мумкин. "Форест" эса эҳтимолий сотувдан максимал даражада фойдали шартларга эришишни кўзламоқда.
Жорий мавсумда Андерсон Премьер-лигада 38 та ўйин ўтказиб, 4 та гол урди ва жамоанинг марказий чизиғидаги асосий фигуралардан бири ҳисобланади.
