Ўтиш жараёни якунланиш босқичида, бироқ ҳали тўлиқ расмийлаштирилмаган. Клуб футболчи билан тўлиқ келишувга эришди. Спорт директори ва президент ўйинчини жамоада кўришни исташмоқда, футболчининг ўзи эса Европанинг бошқа клублари томонидан бўлаётган қизиқишлар фонида айнан Каталония клуби таклифини маъқул кўрди. Силвага Мадриднинг "Атлетико", "Бенфика" клублари, шунингдек, Туркия, Франция, Италия ва Саудия Арабистони жамоалари ҳам қизиқиш билдирган эди.
Бироқ, келишув ҳали "Барселона" бош мураббийи Ханс-Дитер Флик томонидан маъқулланиши керак ва фақатгина унинг розилиги билан амалга ошади.
30 июнда Бернардунинг 2017 йилдан буён тўп суриб келаётган "Манчестер Сити" билан шартномаси якунига етади. Жорий мавсумда португалиялик футболчи барча турнирларда 53 та ўйинда иштирок этиб, 3 та гол ва 5 та голли узатмани амалга оширди.
