Манба маълумотига кўра, "канонирлар" спорт директори Андреа Берта жамоадаги кўпчиликка, жумладан футболчиларга ҳам, эҳтимолий келишувнинг муваффақиятига ишончи комил эканини маълум қилган. Клуб бош мураббийи Микель Артета аллақачон Винисиусга ўз лойиҳасида у учун қандай роль тайёрлаётганини тушунтириб берган ва бразилиялик футболчи "Реал"дан кетадиган бўлса, "Арсенал"ни ўзи учун мос вариант деб ҳисобламоқда. Мадрид клубида "Арсенал"нинг Винисиусга бўлган аниқ қизиқиши ҳақида аллақачон хабардор бўлишган.
Таъкидланишича, "Реал" раҳбарияти Винисиус билан шартномани фақат ўз шартлари асосида узайтиришга тайёр – вингерга ҳеч бир ўйинчи клуб манфаатларидан устун бўла олмаслигини уқтиришган.
Аввалроқ "Реал" Винисиусга "ўйинчининг жамоа ва лойиҳа учун муҳимлигини акс эттирувчи" яхшиланган шартнома таклиф қилгани хабар қилинган эди.
