Леау ҳали июнь ойидаёқ ўз фаолиятида "янги чорлов"ни қабул қилиш нияти борлигини ошкора айтган эди. Рафаэл агар эшигини Премьер-лига клуби қоқадиган бўлса, "жуда хурсанд" бўлишини таъкидлаган.
Леаунинг Премьер-лигада ўйнаш истаги шу қадар кучлики, Рафаэлнинг манфаатларини ҳимоя қилувчи агентлик ўз мижозининг хизматларини бир қатор Англия клубларига ўзи таклиф қилган.
27 ёшли Португалия терма жамоаси ўйинчиси таклиф қилинган клублар сифатида журналист Бен Джейкобс "Манчестер Юнайтед", "Арсенал" ва айнан "Лидс" номини келтирмоқда.
Джейкобснинг таъкидлашича, трансфернинг қимматлиги сабабли Леау Премьер-лигага ўтишга яқин эмас. Ҳозирги вақтда Рафаэлнинг Туркияга йўл олиши эҳтимоли юқорироқ, у ерда вингерни "Галатасарoй" ва "Фенербахче" ўз сафида кўришни истамоқда.
Вингер бўлишига қарамай, ўтган мавсумнинг катта қисмини Леау марказий ҳужумчи сифатида ўтказди ва "Милан" таркибида 31 та ўйинда тўққизта гол уриб, учта голли узатмага муаллифлик қилди.
