23 ёшли хавбекнинг агентлари билан дастлабки музокаралар бўлиб ўтди. Бу ҳақда talkSPORT хабар тарқатди.
Манбанинг маълум қилишича, "канонирлар" бу борада "Манчестер Юнайтед" ва "Челси" томонидан жиддий рақобатга дуч келишлари мумкин. "Астон Вилла" Роджерсни камида 80 млн фунтга (92,8 млн евро) баҳоламоқда, бироқ футболчи учун кураш кучайиб кетса, унинг нархи 100 млн фунт стерлинггача (116 млн евро) кўтарилиши мумкин.
Жорий мавсумда Роджерс барча турнирларда 55 та учрашувда қатнашиб, 14 та гол урди ва 12 та голли узатмани амалга оширди. Футболчининг клуб билан амалдаги шартномаси 2031 йилнинг ёзигача мўлжалланган. Transfermarkt портали маълумотларига кўра, унинг айни пайтдаги бозор қиймати 80 млн еврони ташкил этади.
