"Арсенал" ва Emirates ҳамкорлиги 2006 йилда бошланган эди. БАА авиакомпанияси "канонирлар"нинг титул ҳомийсига айланди, шунингдек, очилган вақтидан бери "Эмирейтс" номи билан машҳур бўлган стадион номини ўзгартириш ҳуқуқини сотиб олди.
Аввалги ҳомийлик шартномаси 2028 йилгача мўлжалланган эди, бироқ томонлар ўз ҳамкорликларидан мамнун ва 2033 йилгача бўлган янги келишувни олдиндан келишиб олишди.
Шу тариқа, Emirates эмблемаси "Арсенал" ўйин либосларининг олдида қолади, "Эмирейтс" эса камида яна етти йил давомида ўз амалдаги номини сақлаб қолади.
Келишувнинг молиявий шартлари ошкор қилинмаяпти, аммо инсайдерларнинг таъкидлашича, Emirates яқин икки мавсумда "Арсенал"га йилига 65 миллион фунт тўлайди, шундан сўнг бу сумма бонуслардан ташқари 75 млн. фунтгача кўтарилади.
