Мутахассис жамоа ҳужумчиси Лионель Мессини алоҳида қайд этди.
"Нима содир бўлганини қандай таърифлашни ҳам билмайман. Мен униг хаёлидан нималар ўтаётганини айта олмайман, у футболни айнан мана шундай лаҳзалар учун ўйнайди. Месси — футбол фанати, ўйиннинг ҳақиқий ишқибози ва фаолиятининг ушбу босқичида бундай ҳис-туйғуларни бошдан кечириш — бу шунчаки ақл бовар қилмайдиган даражадаги ҳолат.
Хайриятки, биз доимо унга ҳамма нарсага эришганини ва охиригача ҳар бир лаҳзадан завқ олиши кераклигини айтардик. Чунки футболчи фаолиятини якунлагач, майдонда бошдан кечирганларидан завқланмагани учун бутун умр афсусланиб ўтади.
Ва менимча, буларнинг барчаси футболчиларга таъсир қилади, Ватан шарафини ҳимоя қилиш — бу ўзгача туйғу ва бу жуда кўп ҳис-туйғулар билан боғлиқ.
Бироқ мен шуни таъкидлайманки, биз бошдан кечирган лаҳзалар унутилмас бўлди ва кейин нима бўлишидан қатъи назар, мен учун энг яхши дақиқалардан бири бўлиб қолади.
Бу жамоа менга камдан-кам учрайдиган туйғуни тақдим этди. Барча вазиятлар ўзига қарши бўлган тақдирда ҳам, таслим бўлмайдиган бирор бир жамоани эслашим қийин", — дея Скалонининг сўзларини келтиради Аргентина терма жамоаси матбуот хизмати Х ижтимоий тармоғида.
Эслатиб ўтамиз, аввалроқ мутахассис учрашувдан сўнг узр сўраб, микст-зонадаги флеш-интервьюдан кўзида ёш билан саволларга жавоб бермай чиқиб кетган эди.
