Баҳс "Спотифай Камп Ноу" стадионида (Барселона, Испания) бўлиб ўтди. Учрашувда Франсиско Хосе Эрнандес Маэсо бош ҳакам сифатида ишлади. Учрашувда 5:2 ҳисобидаги ғалабани мезбон жамоа футболчилари нишонлашди.
Ўйиндаги илк голни 12-дақиқада "Райо Вальекано" ҳужумчиси Серхио Камельо урди. 19-дақиқада "Барселона" ҳужумчиси Рафинья ҳисобни тенглаштирди, икки дақиқа ўтиб эса вингер Ламин Ямал "кўк-анорранглилар"ни олдинга олиб чиқди. "Райо Вальекано" ҳимоячиси Флорьян Лежён 51-дақиқада ўз дарвозасини ишғол қилиб қўйди. 59-дақиқада Серхио Камельо дубль қайд этди. 71-дақиқада Рафинья ҳам ўз дублини расмийлаштирди. 90-дақиқада Ламин Ямаль ҳам ушбу учрашувдаги иккинчи голини уриб, якуний ҳисобни ўрнатди — 5:2.
“Барселона” - “Райо Вальекано” 5:2
Голлар: Рафинья 19, 71, Ямал 21, 90, Лежен 51 (автогол), - Камельо 12, 59.
Жамоаларнинг бошланғич таркиблари:
"Барселона": Жоан Гарсия, Кубарси, Кунде, Кристенсен, Педри, Ольмо, Эспарт, Берналь, Гордон, Рафинья, Ямал.
"Райо Вальекано": Карденас, Лежён, Вертроуд, Сисс, Лопес, де Фрутос, Камельо, Гарсия, Балиу, Мартин, Буаре.
Испания чемпионатидаги учта ўйиндан сўнг "Барселона" тўққиз очко жамғариб, турнир жадвалини бошқариб олди. Мадриднинг "Реал" клуби ҳам тўққиз очко жамғарган, аммо тўплар нисбатига кўра "кўк-анорранглилар"дан ортда қолмоқда. "Райо Вальекано" бир очко ишлаб олган ва 18-поғонада жойлашган.
