Yamal "Barselona" bilan yangi bitim imzolashiga nima to'siq bo'lmoqda?

Klub ishqibozlari bu vaziyatda xavotir olmasalar ham bo'laveradi. 

Laminning amaldagi shartnomasi 2026 yil yozigacha mo'ljallangan va tomonlar 2030 yilgacha yangi bitim borasida to'liq kelishuvga erishgan. Yagona to'siq esa Lamin Yamalning yoshi, yani futbolchi 18 yoshga to'lishi bilan barcha zarur hujjatlar imzolanadi. 

Eslatib o'tamiz, Lamin Yamal — Kataloniya klubi akademiyasi tarbiyalanuvchisi.

Futbolchi joriy mavsum "Barselona" tarkibida 21 ta o'yinda 6 ta gol urdi va 12 ta golli uzatma etkazib berdi.