"Barselona" Rakitichni raqobatchi klub safiga qo'yib yubormoqchi emas

31 yoshli xavbek joriy mavsum "Barselona"ning asosiy tarkibdagi o'rnini yo'qotib qo'ydi va o'yin amaliyotiga ega bo'lish maqsadida boshqa klubga ketishni xohlayotgani aytildi.

Ammo, xorvatiyalik futbolchi "ko'k-anorranglilar"ning so'nggi ikkita o'yini, yani "Borussiya" (3:1) va "Atletiko" (1:0)ga qarshi o'yinlarda asosiy tarkibda tushdi. Bungacha Rakitichga Madridning "Atletiko" klubi jiddiy qiziqayotgan edi.

"Barselona" futbolchining transferi bo'yicha rasmiy taklif olmadi. Ammo, Kataloniya klubi uni to'g'ridan-to'g'ri raqobatchi klub safiga transfer qilishga qarshi.

Oldinroq, Rakitichga "Manchester Yunayted" va "Inter" klublari qiziqayotganligi xabar qilingan edi.