Roy Kin MYUni ogohlantirdi: "Kerrik "iblislar" uchun emas, tayyor 3 ta super nomzod bor!"

Kerrikning natijalari yaxshi, ammo...

Ayni paytda mankunianliklar APL turnir jadvalida 30 ta o'yindan so'ng 54 ochko jamg'argan holda 3-o'rinni egallab turishibdi. Shunga qaramay, Kin rahbariyat bunga aldanmasligi kerak deb hisoblaydi:

"O'ylaymanki, bundan ham yaxshiroq variantlar bor. Ha, Maykl o'zi boshqargan o'yinlarda ajoyib natija ko'rsatdi. Men uning oldida shlyapamni echaman va agar u yozda bu ishni olsa, unga omad tilayman. Ammo "Manchester Yunayted"ning keyingi menejeri lavozimiga ancha yaxshiroq nomzodlar borligiga ishonaman".

"Vaqtinchalik murabbiy bo'lish oson"

Kinning fikricha, Kerrikning hozirgi muvaffaqiyati uning elkasida ortiqcha bosim yo'qligi bilan bog'liq:

"Ko'pchilik o'yinchilarga vaqtinchalik murabbiy yoqadi. Ammo shartnomalar, mavsumoldi tayyorgarlik, tibbiy xodimlar va transferlar bo'yicha qaror qabul qilish kerak bo'lganda, vaziyat butunlay o'zgaradi. MYUni boshqarish uchun sovrinlar yutish va evrokuboklarda qatnashish borasida ancha tajribaliroq mutaxassis kerak, Kerrikda esa bu narsa hozircha yo'q".

Kin kimlarni taklif qilmoqda?

Roy Kin klub rahbariyatiga etibor qaratish lozim bo'lgan aniq nomzodlarni ham sanab o'tdi:

"Bozorda murabbiylar etarli. Diego Simeone va Luis Enrike. Ular orasidan eng yaxshisini topishga harakat qilish kerak. Shuningdek, Jeymi Rednapp tilga olgan Tomas Tuxel ham ajoyib variant".