Avstraliya ayollar terma jamoasi bosh murabbiyi: "O'zbekiston terma jamoasi o'yinga yaxshi tayyorgarlik ko'rgan ekan"

- Bugungi uchrashuv haqidagi fikrlaringiz?

- Birinchi navbatda O'zbekiston terma jamoasiga rahmat aytaman. Terma jamoangiz bugun munosib o'yin namoyish etdi. Ayniqsa jamoangiz juda yaxshi himoyalandi. Mening fikrimcha bugungi uchrashuvda ko'proq gol urishimiz mumkin edi, biroq o'zimiz yaratgan vaziyatlardan unumli foydalana olmadik.

- Bugungi o'yinga etib kelish uchun uzoq masofa bosib o'tdingizlar. Avstraliyada bo'lib o'tadigan o'yinda bugun maydonda harakat qilgan futbolchilarga dam berasizmi? Sababi ularning jismoniy holati bo'yicha muammolar bo'lishi mumkin.

- Yaxshi savol. Uzoq masofa har doim qiyinchiliklar tug'diradi, ammo bizning ko'pgina futbolchilarimiz Evropada o'ynashadi. Avstraliyada bo'lib o'tadigan o'yinda muxlislar stadionni to'ldirishadi va bizni qo'llab quvvatlash turishiga ishonaman.

- Ikki uchrashuvdan iborat to'qnashuvlarda ishtirok etish qanchalik qiyin?

- Bunday o'yinlarda tajriba ko'p narsani hal qiladi. Bugungi bahsda biz darvozamizdan gol o'tkazmadik va ushbu jihat bizga katta ustunlik beradi. Javob uchrashuvida ham g'alaba qozonishni maqsad qilganmiz.

Merri Favler

- Bugungi uchrashuv haqidagi fiklaringiz?

- O'zbekiston terma jamoasi bugungi uchrashuvga yaxshi tayyorgarlik ko'rgan ekan. Birinchi taymda gol ura olmadik va shu sababli biroz bosim bor edi, ammo ikkinchi bo'limda vaziyatni to'g'irlay oldik va g'alaba qozondik.

- Bugun qorli ob-havoda o'ynash qanchalik qiyin bo'ldi?

- Biz ushbu sharoitga ko'nikishga harakat qildik. Evropa va Avstraliyada asosan issiq havo bo'ladi va qorli ob-havoda o'ynash biroz noodatiy holat.