Andrey Mikyalev: "Hisob 3:0 bo'lganida yaxshi bo'lardi..."

"CHiroyli kubok o'yini guvohi bo'ldik. "Nasaf" doim hujumkor o'ynaydi, ular himoyaviy o'ynashmaydi. Hisob 3:0 bo'lganida yaxshi bo'lardi, ammo "Nasaf"ga ham qoyil, oxirigacha kurashdi. Bugungi g'alabani yakshanba kuni nishonlanadigan "temiryo'lchilar kuni"ga bag'ishlaymiz.

Bugungi o'yindan qoniqdik. Tarkibda o'zgarishlar bo'ldi, o'tgan bahsdagi charchoqdan chiqib ketish uchun bu ish qilindi.

Bunday issiqda futbol o'ynash oson emas. Miya charchaydi, shu bois xatolar ko'p bo'ladi.

Yarim final javob bahsi qachon bo'lishini bilmaslik juda yomon. Ammo nimayam qilardik kutamiz.

"Neftchi"dan ijaradan olingan Murod Bobojonov jamoada qolishni istadi chempion bo'lishni va kubokni qo'lga kiritishni xohladi. Rahbariyat bilan uchrashdi va yil oxirigacha bizda qoldi.

Yangi nigeriyalik hujumchi bilan shartnoma tuzdik. Umid qilamizki u yig'inlarda o'zi ko'rsatgan harakatlarni o'yinlarda ham namoyish eta oladi.

Azizbek Omonov boshqa jamoaga ijaraga berilmaydi. Bizda raqobat bo'lgani yaxshi. Omonov o'zimiza ham kerak", - deydi Andrey Mikyalev.