"Al Hilol"ning yozdagi ilk xaridi braziliyalik futbolchi bo'ladi

Saudiya Arabistonining "Al Hilol" klubi rahbariyati murabbiy Jorji Jezush talabiga binoan yozgi transferlar oynasidagi dastlabki xaridlar uchun 15 million evro ajratgan.

Qayd etilishicha, Jezush klub rahbariyatidan braziliyalik Jerson Santos bilan shartnoma tuzishni so'ragan.

Arablar yarim himoyachi uchun Braziliyaning "Flamengo" klubiga 15 million evro to'lashga tayyor.

Biroq "Flamengo" murabbiylari 26 yoshli o'yinchiga ishonch bildirgan, shu sababli, uni sotib olishda muammolar yuzaga kelishi mumkin.