“Braziliyalik markaziy himoyachi Mikel Augusto Modesto Rafael dos Santos Farg'ona klubi sharafini himoya qiladi.
23 yoshli Mikel Augusto 2003 yil 20 may kuni Braziliyaning Avare shahrida tug'ilgan. Bo'yi - 1,90 metr. Markaziy himoyachi sifatida harakat qiladigan Mikel jismoniy kuchi, ishonchli himoyasi va maydondagi xarakteri bilan ajralib turadi.
Michel Braziliyaning eng mashhur futbol akademiyalaridan biri - “Palmeyras” tarbiyalanuvchisi.
U klub akademiyasidan boshlab asosiy jamoagacha bo'lgan yo'lni bosib o'tdi va “Palmeyras safida Braziliya A Seriyasida maydonga tushdi.
Mikel yoshlar darajasidanoq Braziliya terma jamoalari e'tiborida bo'lgan.
Braziliya terma jamoasi safida O'zbekiston U-20 terma jamoasiga qarshi maydonga tushgan.
Bu esa Mikelning xalqaro tajribasi va yuqori darajadagi futbol muhitida shakllanganini yana bir bor ko'rsatadi.
Shuningdek, u 2023 yilda Braziliya U-23 terma jamoasi bilan Panamerika o'yinlarida ishtirok etib, chempionlikni qo'lga kiritgan. Turnir davomida himoyachi 4 ta uchrashuvda maydonga tushgan.
🏆 Mikelning faoliyatidagi muhim yutuqlar:
• 🏆 2× Libertadores - Palmeyras
• 🏆 Braziliya A Seriyasi
• 🏆 Braziliya Kubogi
• 🏆 Recopa Sudamericana
• 🏆 Paulista chempionati
• 🥇 Panamerika o'yinlari - Braziliya U-23
Osiyo Elit Chempionlar Ligasi oldidan jamoamiz himoya chizig'iga Braziliya futbol maktabidan yangi kuch qo'shildi”, – deyiladi klub matbuot xizmati xabarida.
