"Жуда ҳам қийин мавсум бўлди. Кучли жамоалар бизни таъқиб қилиб келди. Бирдамлик билан бундай натижага эришдик. Чемпионликда мухлисларнинг ва раҳбариятнинг ҳиссаси катта.
Икром билан яқин дўстмиз ва бир-биримизни сўзсиз тушунамиз. Майдонда ҳам шундай. Ҳиссиётларимизни ушлаб тура олмадик. Қандай қийин мавсум бўлганини ва ичимиздан нималар ўтганини ўзимиз биламиз.
Мухлисларимиз топ-даражада. Иккинчи даврада "Насаф"ни таъқиб қилишимизда мухлисларимизнинг ҳиссаси катта бўлди. Улар бизга катта далда берди", – деди Қувондиқ Рўзиев чемпионлик қўлга киритилганидан сўнг.
Эслатиб ўтамиз, "Нефтчи" бугун "Қизилқум"ни 4:1 ҳисобида доғда қолдириб, узоқ кутилган чемпионликка етишди.
