Avvalroq, Madrid klubi joriy mavsum yakunida "Manchester Siti"ni erkin agent sifatida tark etadigan yarim himoyachini o'z safiga qo'shib olmoqchi ekani ma'lum bo'lgan edi.
Marca xabariga ko'ra, tomonlar hali hamkorlikning moliyaviy tomoni bo'yicha kelishuvga erishmagan. Portugaliyalik futbolchi "Siti"da yiliga taxminan 18 million evro maosh olardi - "Atletiko" unga xuddi shunday maosh to'lay olmaydi, futbolchining o'zi ham bunday miqdorni kutmaydi. Shu bilan birga, Silva baribir madridliklarning eng ko'p maosh oladigan futbolchilaridan biriga aylanishi kutilmoqda. "Atletiko"dagi eng yuqori maoshni Yan Oblak oladi - yiliga taxminan 10 million evro.
Har ikki tomon ham hamkorlikdan manfaatdor. APL va La Ligada so'nggi tur o'tkazilgandan so'ng muzokaralar jarayoni tezlashishi kutilmoqda. Shartnoma Bernardo 2026 yilgi jahon chempionati oldidan Portugaliya terma jamoasiga yetib kelishidan oldin tuzilishi rejalashtirilgan.
31 yoshli futbolchi APLning joriy mavsumida 37 ta o'yin o'tkazib, 2 ta gol urdi va 4 ta golli uzatmani amalga oshirdi.
