Аввалроқ, Мадрид клуби жорий мавсум якунида "Манчестер Сити"ни эркин агент сифатида тарк этадиган ярим ҳимоячини ўз сафига қўшиб олмоқчи экани маълум бўлган эди.
Marca хабарига кўра, томонлар ҳали ҳамкорликнинг молиявий томони бўйича келишувга эришмаган. Португалиялик футболчи "Сити"да йилига тахминан 18 миллион евро маош оларди - "Атлетико" унга худди шундай маош тўлай олмайди, футболчининг ўзи ҳам бундай миқдорни кутмайди. Шу билан бирга, Силва барибир мадридликларнинг энг кўп маош оладиган футболчиларидан бирига айланиши кутилмоқда. "Атлетико"даги энг юқори маошни Ян Облак олади - йилига тахминан 10 миллион евро.
Ҳар икки томон ҳам ҳамкорликдан манфаатдор. АПЛ ва Ла Лигада сўнгги тур ўтказилгандан сўнг музокаралар жараёни тезлашиши кутилмоқда. Шартнома Бернардо 2026 йилги жаҳон чемпионати олдидан Португалия терма жамоасига етиб келишидан олдин тузилиши режалаштирилган.
31 ёшли футболчи АПЛнинг жорий мавсумида 37 та ўйин ўтказиб, 2 та гол урди ва 4 та голли узатмани амалга оширди.
