Дарвозабон шу ёзда катта эҳтимол билан "Парма"ни тарк этади ва туринликлар у учун асосий даъвогар бўлиб турибди, деб хабар беради La Gazzetta dello Sport. "Бьянконери" раҳбарияти ҳам футболчининг ўзини, ҳам унинг жамоасини битим тузишга кўндира олишига ишонмоқда. Томонлар доимий равишда алоқада бўлиб турибди. "Ювентус"нинг асосий рақобатчиларидан бири ПСЖ ҳисобланади. Парижликларга "Парма" сўраётган 30 миллион еврони тўлаш қийинлик қилмайди, бироқ улар туринликлардан фарқли ўлароқ, Япония терма жамоаси футболчисига асосий таркибдан жой кафолатлай олмайди. Франция клуби Сузукини сотиб олиб, уни ижарага бериши мумкин бўлган вариант ҳам мавжуд.
