Энг юқори кўрсаткич ва ўсиш имкониятига Абдуқодир Ҳусанов эга бўлиб, унинг жорий рейтинги 82 ни, потенциали эса 87 ни ташкил этмоқда.
Ўзбекистон терма жамоаси сардори Элдор Шомуродовнинг рейтинги ва потенциали тенглашган — 76. Маҳоратли ярим ҳимоячи Аббосбек Файзуллаевнинг жорий рейтинги 70 бўлса, ўйин давомида уни 81 рейтингигача «прокачка» қилиш (ривожлантириш) мумкин.
Шунингдек, рўйхатда 18 ёшли Беҳруз Каримовнинг (жорий рейтинги 60) потенциали 77 га тенглиги эътиборни тортади. Ҳусниддин Алиқулов эса 66 рейтинг ва 69 потенциалга эга.
Афсуски, Муҳаммадали Ўринбоевнинг потенциали ўтган мавсумдаги 74 кўрсаткичдан 71 гача пасайган (жорий рейтинги 62). Бунга футболчининг кетма-кет олган жароҳатлари сабаб бўлган бўлиши мумкин.
Ўзбекистонлик футболчиларнинг кўрсаткичлари:
Абдуқодир Ҳусанов (22 ёш, CB) — жорий рейтинг: 82, потенциал: 87.
Элдор Шомуродов (31 ёш, ST/CAM) — жорий рейтинг: 76, потенциал: 76.
Аббосбек Файзуллаев (22 ёш, RM/LM/RW/LW) — жорий рейтинг: 70, потенциал: 81.
Ҳусниддин Алиқулов (27 ёш, CB/CDM/CM) — жорий рейтинг: 66, потенциал: 69.
Муҳаммадали Ўринбоев (21 ёш, RW/CAM/LW/RM/CM) — жорий рейтинг: 62, потенциал: 71.
Беҳруз Каримов (18 ёш, RB/LB) — жорий рейтинг: 60, потенциал: 77.
