"Мен натижадан ва жамоанинг кўрсатган реакциясидан мамнунман. Ҳа, бошланғич таркибда жуда кўп ўзгаришлар бор эди. Бу таваккалчилик эди. Ҳамма нарса биз режалаштиргандек кетмади, шу сабабли ўзгартиришлар киритишга мажбур бўлдик. Биринчи бўлим учун масъулиятни ўз зиммамга оламан. Мухлислар ажойиб эди, ушбу муҳит футболчиларга катта ёрдам берди.
Захирадан майдонга тушган ўйинчиларнинг ўйинга тайёр тургани менга маъқул келди. Улар асосий таркибда чиқмаслигини биларди ва учрашув боришига таъсир ўтказишга тайёр эди. Деярли бирга ўйнамаган жамоани майдонга туширганингда, "Лидс" бу қадар юқори шиддат кўрсатаётган пайтда бу даражадаги футболни намойиш этиш мураккаб", – деди Алонсо.
"Челси"нинг 1/8 финалдаги рақиби 16 сентябрь кунги қуръа ташлаш маросимидан сўнг маълум бўлади.
