- Ўйин ҳақида фикрингиз?
- Учрашувни ёмон бошламадик, рақибимиз меҳмонда ҳимоявий футбол намойиш этишини ва қарши ҳужумларда ҳаракат қилишини билардик. Ўйиндан олдин йигитларга ўз майдонимизда яхши жамоа билан ўйнаймиз, мухлисларни хурсанд қилишимиз керак деган гапларни айтдик.
Баҳсни ҳужумкор бошладик, бир неча бор ҳужумга ўтдик, стандартларга эга бўлдик. Хавфли ҳужумлар асосан биз томондан бўлди. Рақиб эса қарши ҳужумларда жазолади. Афсус, кетма-кет ғалабалар сериямиз бугунги ўйинда тўхтади, бундан жуда хафамиз. Футболда доим ютишнинг иложи йўқ. Хатолар устида ишлаймиз ва кейинги ўйинларда яна ижобий натижа кўрсатишга ҳаракат қиламиз.
