Ушбу баҳсда мухлислар нақ 9 та голга гувоҳ бўлишди.
— "Таваккалчилик. Биз кўп йиллардан бери таваккал қилмайдиган, олдинга ўтишдан қўрқадиган жамоалар ҳақида гапириб келаётгандик. Кўпчилик ўйинни қандай ютиш ҳақида эмас, балки қандай қилиб ютқазмаслик ҳақида ўйлайдиган бўлиб қолганди.
Бугунги ўйин эса бутунлай бошқача бўлди. Ҳар икки жамоа тинимсиз таваккал қилди. Агар сиз ушбу баҳсни ҳимоядаги ҳаракатлар нуқтаи назаридан таҳлил қилсангиз, кўрганларингиздан ақлдан озишингиз мумкин. Лекин бу менинг заррача парвойимга келмайди!
Биз бир-икки йилдан бери футбол зерикарли бўлиб қолганидан шикоят қилардик. Бугунги ўйин эса асло зерикарли бўлмади. Мен бу баҳсдан завқ олдим ва ўйлайманки, бошқалар ҳам худди шундай ҳиссиётларни туйишди. Одатда бундай ҳисоб икки ўйин натижасига кўра қайд этиларди, бугун эса ҳақиқий "телбалик"ка гувоҳ бўлдик", — деди Анри CBS Sports эфирида.
