— Менимча, Мартинесда ҳаммаси олдиндан тайёрлаб қўйилган эди. Нима учун у айнан шу ўйиндан сўнг интервью берди? Ўзи ташаббус кўрсатдими? Унинг умуман гапирганини жуда камдан-кам эшитаман.
Бу нарса олдиндан режалаштирилганга ўхшарди, гўёки у ўз атрофидагилар билан чиқиб шу гапларни айтиш кераклигини муҳокама қилгандай. Бу жуда ачинарли, чунки ҳамма футболчилар бир ёқадан бош чиқариб жипслашиши керак бўлган маҳалда, тепада нималар бўлаётгани ҳақида гапириб бўлмайди. Оғир дамларда футболчилар, мураббий ва мураббийлар штаби бирга бўлиши зарур. Акс ҳолда, бу каби баёнотлар шунчаки кийиниш хонасини парчалаб юбориши мумкин.
Фикримча, бу жамоадошларга нисбатан ҳам ҳурматсизликдир. У шериклари ҳақида ҳурматсизлик билан гапириб, уларни кучли эмас демоқда. Яъни у ўз жамоадошларининг савияси пастлигини айтмоқда, бу эса аниқ ҳурматсизлик.
Ростини айтганда, бундай гапларни айтишга ягона ҳақли инсон Бруну бўлса керак, чунки у сардор. Ва ҳатто ўшанда ҳам бундай масалалар ёпиқ эшиклар ортида ҳал қилиниши керак. Футболчилар мураббий билан гаплашади, мураббий эса раҳбарият билан. Лекин ушбу интервью клуб ҳозирда тушиб қолган вазиятдан чиқишга ҳеч қандай ёрдам бермайди.
Энди бу берадиган ягона нарса — жамоа атрофида янада кўпроқ шов-шув: футболчилар норози, улар беқарор ва жамоадошларига ишонмайди. Бу умуман ёрдам бермайди, — деди Руни Amazon Prime эфирида.
