Ассалому алайкум ҳаммага. Бугун биз учун жуда муҳим ўйин эди. Худога шукр, биз бугун мақсад қилган натижамизга эришдик. Биринчи ўйиндаги мағлубиятимиздан сўнг бугун биз ғалаба қозонишимиз лозим эди ва жамоам бунга эришганидан хурсандман.
Ўйин бироз қийин кечди. Чунки рақиб учрашувда тажовузкор ўйин кўрсатди, бу бизга бироз қийинчилик туғдирди. Бироқ биз бу ўйинга тайёр эдик, рақибни таҳлил қилган эдик.
Гол урмадим? Гол уриш мен учун ҳам муҳим, лекин энг муҳими — жамоанинг ғалаба қозонишидир. Мен гол урсаму, жамоа ютқазса — бу менга ёқмайди. Мен гол урмасам ҳам, жамоамиз ғалаба қозонса, бу мен учун жуда яхши.
