"Жуда ёмон, шунчаки даҳшат. Мен ўзимни тутиб туришимга тўғри келмоқда, аммо баъзида буларнинг бари — клубнинг қандай ҳолатда эканининг аниқ аксидир. Ўтган мавсумда биз ажойиб ўйин кўрсатдик ва энди рақобатлашиш учун раҳбариятдан кўпроқ нарса, кўпроқ футболчилар кутмоқдамиз. Мен катта инвестициялар кутяпман. Техник директоримиздан кўпроғини кутмоқдаман. Очиғини айтаман: биз, футболчилар, кўпроқ ҳаракат қилишимиз керак, аммо бундай оқшомларга тайёр бўлиш учун кучли таркибга ҳам эга бўлиш лозим.
Ўтган мавсумда биз қўлимиздан келганча ҳаракат қилдик, ажойиб жамоа тузиш учун пойдевор қўйдик. Бу ерга келиб, жамоамнинг ажойиб натижага эришишга интилаётганини кўрмаслигим алам қилади ва ҳафсаламни пир қилади. Муаммо мураббийда деб ўйламайман. У қўлидан келган ҳамма нарсани қилмоқда. Ҳар бир мавсум бир-биридан фарқ қилади. Ўтган мавсумда эришган нарсаларингизда тўхтаб қолиш мумкин эмас. Рақиблар қандай ўйнашингизни, ҳар бир детални аллақачон билишади — агар ҳеч нарсани ўзгартирмасангиз, кейинги мавсумда катта муаммо юзага келади. Мураббийни тўхтовсиз ўзгартиравериш мумкин эмас. Бугун гап мураббийда, футболчиларда дейиш осон, аммо бошқа соҳаларга ҳам қараш керак", — дейди Мартинеснинг сўзларини BBC нашри.
Чемпионлар лигасининг дастлабки иккита ўйинида "Манчестер Юнайтед" уч очко тўплади. Англия чемпионати турнир жадвалида клуб ортида қолган ортида қолган олти турдан сўнг 6 очко жамғариб, 13-ўринни эгаллаб турибди.
