2012 йилги АПЛнинг сўнгги турида «Манчестер Сити» «КПР»ни 3:2 ҳисобида мағлуб этиб, ўз тарихида илк бор АПЛ чемпиони бўлган эди. Тармоқларда собиқ ҳакам Майк Дин ва «Манчестер Юнайтед» собиқ ҳужумчиси Уэйн Рунининг ушбу ўйин ҳақидаги фикрлари қайта тарқалди. Дин КПР футболчилари лигада қолганини билишгач, тўпни осонликча рақибга бериб юборишганини айтган. Руни эса Сиссе ўйиндан сўнг «Сити» футболчилари билан байрам қилганини эслатган.
Жибриль Сиссенинг муносабати:
«Мен бундай сафсаталарга чидаб турмайман. Келинг, очиқчасига учрашиб, буни муҳокама қилайлик. Бундай беъманиликларга бошқа чидамайман.
Улар [«Манчестер Юнайтед»] мавсум давомида 5 та ўйинда мағлуб бўлиб, чемпионликни сўнгги тургача олиб келишганида биз айбдормизми???
Мен Самир Насри билан байрам қилганман, Агуэро ёки Балотелли билан эмас. Насри — менинг 15 йиллик қадрдоним. Мен дўстим учун ва ўз жамоам АПЛда қолгани учун хурсанд эдим. «Сити»нинг чемпионлиги менга қизиқ эмасди».
