Бугун 39 ёшли Лионель Месси бошчилигидаги Аргентина терма жамоаси мундиал финалида Испанияга қарши майдонга тушади.
"Агар Аргентина Жаҳон чемпионатида ғалаба қозонса, Месси барча саволларга жавоб беради, шундай эмасми? У барча даврларнинг энг буюк футболчиси эканини исботлайди.
Менимча, ҳатто Криштиану Роналду мухлислари ҳам буни ҳурмат қилиши керак.
Мен ҳар доим иккаласидан исталган бирини танлаш мумкинлигини айтганман. Аммо Мессининг сўнгги икки Жаҳон чемпионатида кўрсатган ўйинига қаранг. Айниқса, 39 ёшида ҳам шундай даражада футбол ўйнаётгани барча баҳсларга нуқта қўяди", — деди Руни.
Эслатиб ўтамиз, Уэйн Руни ва Криштиану Роналду бир вақтлар "Манчестер Юнайтед" сафида елкама-елка тўп суриб, клуб билан биргаликда Англия Премьер-лигаси ва Чемпионлар лигасида ғолиб чиққан. Лионель Месси эса фаолияти давомида саккиз марта "Олтин тўп" соҳиби бўлиб, Аргентина билан 2022 йилги Жаҳон чемпионати, икки марта Америка кубоги ва "Финалиссима"да зафар қучган.
