Аввалроқ жамоа бош мураббийи Жозе Моуринью 23 ёшли француз футболчисини ўз режаларига киритмаётгани ҳақида хабарлар тарқалган эди.
"As" нашри маълумотига кўра, клуб раҳбарияти Моуриньюга марказий ҳимоячи ва ярим ҳимоячи харид қилиш учун аввало катта трансфер амалга оширилиши кераклигини билдирган.
Ҳозирча "Реал"ни тарк этишга энг асосий номзод сифатида Камавинга кўрилмоқда. Унга Миланнинг "Интер" клуби қизиқиш билдирмоқда, ПСЖ эса футболчини аввал "Ренн"да ўйнаган давридан буён кузатиб келмоқда.
Мадридликлар Камавинга трансферидан камида 60 миллион евро ишлаб олишни режалаштирмоқда. Бироқ футболчининг клубдаги келажаги якунда Жозе Моуриньюнинг қарорига боғлиқ бўлади.
