Ушбу тур доирасида Навоийнинг "Қизилқум" жамоаси сафарда "Андижон" меҳмони бўлади.
Мазкур қарама-қаршилик олдидан эътиборни тортадиган муҳим статистик жиҳат шундаки, "Қизилқум" 10 йилдан буён Андижондаги ўйинларда ғалаба қозона олмаяпти. Сўнгги бор навоийликлар рақиб майдонида 2016 йилнинг 1 октябрида 2:1 ҳисобида зафар қучган эди. Шундан кейинги ўтказилган сафар учрашувларида андижонликлар ё ғалаба қозонган ёки дуранг қайд этилган:
19.06.2025: "Андижон" – "Қизилқум" 1:1
10.11.2024: "Андижон" – "Қизилқум" 0:0
22.05.2023: "Андижон" – "Қизилқум" 2:0
07.08.2021: "Андижон" – "Қизилқум" 1:1
27.10.2020: "Андижон" – "Қизилқум" 0:0
01.12.2019: "Андижон" – "Қизилқум" 1:0
Умумий ҳисобда эса Суперлига доирасидаги ўзаро ўйинларда "Андижон" уйда яққол устунликка эга: "бургутлар" 13 та ғалабага эришган бўлса, "Қизилқум" ҳисобида бор-йўғи 3 та ғалаба бор, 5 та баҳсда эса ғолиб аниқланмаган.
Хўш, бугун "Қизилқум" ўн йиллик нохуш серияга барҳам бера оладими ёки "Андижон" ўз майдонидаги анъанасини давом эттирадими?
Маълумот учун, ўйин соат 19-00 да бошланади.
