- Ўйин ҳақида фикрингиз?
- Баҳс осон кечмаслигини билардик. Йигитларга эътирозим йўқ, бугун майдонга тушган ҳамма борини бериб ҳаракат қилди. Ғалаба қозонишимизга кўпроқ ҳакамлар халақит берди. Шу кунгача бир нечта ўйинлар ўтказдик, турли натижалар қайд этдик.
Ютқазган ўйинларимизни оладиган бўлсак, кўпинча ҳакамлар халақит берган бўлиб чиқяпти. Бугун ҳам бир неча бор "Бухоро"га ён босишди. 2:0 ҳисобида олдинда бораётган пайтимизда бизнинг фойдамизга яққол пенальти берилмади.
Тўпни ён чизиқдан киритишда ҳам бизнинг футболчиларга жойни кўрсатиб туришди, рақиб эса хоҳлаган жойидан тўпни ўйинга киритди. Футболчиларга ачиняпман, бугунги меҳнатимиз мағлубиятга лойиқ эмасди. Мураббийлар штабимиз ҳам тинмай ишламоқда, кечалари ухламаяпмиз. Афсуски, ҳакамларнинг ўйинга таъсири мағлубиятга олиб келди. Бу нарса раҳбариятимизга ҳам ёқмайди ва мураббийларнинг бўшашишига олиб келяпти. Астойдил ишлайман дейсиз-у, лекин бу ҳолатни кўриб ҳафсалангиз пир бўлади.
- Ҳакамларга чора кўрилади деб ўйлайсизми?
- Буни биз ҳал қила олмаймиз, уларнинг ўз қўмитаси бор ва менимча, бугунги ҳакамлик кўриб чиқилади.
