"Биз ҳақиқатан ҳам Россия Футбол Иттифоқи билан алоқадамиз ва ноябрь ойида Ўзбекистон ҳамда Россия терма жамоалари ўртасида ўртоқлик учрашуви ўтказиш бўйича келишувга яқинмиз. Биз ёздан бери Россия жамоаси билан ўйнашни хоҳлагандик ва ҳозир барча тафсилотларни муҳокама қилишда давом этяпмиз.
Айни пайтда иккита эҳтимолий рақиб – Россия ва Саудия Арабистони билан музокаралар олиб боряпмиз. Дастлаб Саудия Арабистони терма жамоаси билан ўйинимиз Ар-Риёдда ўтиши керак эди, бироқ хавфсизлик нуқтаи назаридан биз ўйинни Тошкентга кўчиришни хоҳлаяпмиз. Саудия томони ҳозирча бу вариантга рози бўлмаяпти.
Агар Саудия Арабистони билан келиша олмасак, катта эҳтимол билан Россия терма жамоасига қарши Тошкентда ўйнаймиз. Россия томони эса ўз уйида ўйин ўтказишдан манфаатдор, шунинг учун учрашув жойи масаласи ҳам очиқ қолмоқда.
Ҳозирча якуний келишувлар йўқ, аммо биз ўйинни ўтказишни келишиб олишга яқинмиз. Барча тафсилотларни терма жамоамиз бош мураббийи Фабио Каннаваро билан муҳокама қилишимиз қолди. Умид қиламизки, ноябрь ойида ушбу ўртоқлик учрашувини ўтказа оламиз", – деди Аҳмедов Sport24 мухбири Владислав Шапиро билан суҳбатда.
Сентябрь – октябрь ойларида Ўзбекистон Эрон (3:1), Сурия (4:1) ва Жанубий Корея (0:2) билан ўртоқлик учрашувларини ўтказди.
