"Пахтакор" жорий мавсум Суперлигада сафар мақомида 6 та учрашув ўтказиб, ҳали бирор марта ҳам мағлубият аламларини тотиб кўргани йўқ. Тошкентликлар ушбу ўйинларда деярли максимал очко тўплашди — ягона дуранг "Сурхон"га қарши баҳсда қайд этилди (1:1).
Маълумот учун: "Пахтакор" Суперлига доирасида сўнгги бор сафарда мағлуб бўлганига ҳам бир йилдан ошди. Жамоа 2025 йилнинг 3 май куни Термизда "Сурхон"га таслим бўлган эди. Шундан бери "шерлар" меҳмондаги баҳсларда мағлубият нималигини билмай келишмоқда.
Бугун "Андижон" меҳмони бўладиган "Пахтакор" ўз анъанасини давом эттирадими?
