Журналист Яғиз Сабунжуоғлу хабарига кўра, "Трабзонспор" клуби "Ливерпуль" собиқ вингерининг вакиллари билан учрашув ўтказиб, футболчига икки йиллик шартнома таклиф қилди.
Туркия клуби Салоҳга ҳар мавсум учун 17 миллион евро маош тўлашга тайёр.
Айни вақтда 34 ёшли футболчи эркин агент мақомида бўлиб турибди. Аввалроқ унга Туркиянинг яна бир гранди — "Бешиктош" ҳам қизиқиш билдираётгани ҳақида хабарлар тарқалган эди.
Эслатиб ўтамиз, Муҳаммад Салоҳ "Ливерпуль" сафида клуб тарихидаги энг муваффақиятли футболчилардан бирига айланди. У мерсисайдликлар билан Англия Премьер-лигаси, Чемпионлар лигаси, Англия Кубоги ва бошқа қатор нуфузли совринларни қўлга киритган.
