Куннинг марказий баҳсларидан бирида Александр Хомяков бошчилигидаги "Бухоро" ўз майдонида "Локомотив"ни қабул қилади.
Жамоалар шу кунга қадар Бухорода ўтган 16 та учрашувда тўқнаш келишган. Ушбу беллашувлардаги статистика меҳмонлар фойдасига сўзламоқда:
"Локомотив" ғалабаси: 8 та
"Бухоро" ғалабаси: 3 та
Дурранг: 5 та
Қизиқарли факт: "Бухоро" ўз майдонида "Локомотив"ни охирги марта 2016 йилги мавсумда мағлуб этган. Шундан сўнг ўтказилган 5 та кетма-кет баҳсда "темирйўлчилар" сафардан 3 очко билан қайтишган. Ушбу 2016 йилги муваффақият бухороликларнинг нафақат ўз уйида, балки ўзаро ўйинлардаги энг сўнгги ғалабаси бўлиб турибди.
Жамоалар Суперлига доирасида орадан 6 йил ўтиб яна Бухорода тўқнаш келишмоқда (сўнгги бор 2020 йилги мавсумда куч синашишган эди).
