MLS мусобақа форматини тубдан ўзгартирмоқда

Бу Шимолий ва Жанубий Америка учун одатий ҳол бўлса-да, чемпионат раҳбарияти Европа билан бир хил қадам босишни мақсад қилмоқда.

Лига расмийлари баёнот бериб, 2027 йилнинг февралидан май ойигача қисқартирилган мавсум ўтказилишини маълум қилди. Бу орқали лига Европа чемпионатлари билан синхронлаштирилади. 30 та жамоадан ҳар бири ўз конференциясидаги рақиблар билан 14 тадан ўйин ўтказади (7 та уйда ва 7 та сафарда).

Шундан сўнг плей-офф босқичи бошланади. Унда ҳар бир конференциядан энг яхши 8 та жамоа иштирок этади. Финалда Шарқий ва Ғарбий конференция чемпионлари ўзаро баҳс олиб боради.

Сўнгра 2027 йил июль ойида янги, тўлиқ мавсум бошланади ва у 2028 йилнинг майигача давом этади.