Инсайдер Дэвид Орнштейннинг X ижтимоий тармоғида хабар беришича, лондонликлар энг фойдали таклифни илгари суришган. Аввалроқ 21 ёшли хавбекка "Манчестер Юнайтед" ҳам қизиқиш билдираётгани хабар қилинганди.
Манбага кўра, "Тоттенхэм"нинг таклифи тахминан 85 миллион фунт стерлинг (99 миллион евро) миқдоридаги собит тўловларни ўз ичига олади. Маълум қилинишича, Фернандешнинг ўзи "шпорлар" (Тоттенхэм) таклифини қабул қилишга қарор қилган. "Манчестер Юнайтед" қандай таклиф билан чиққани ҳақида маълумот йўқ.
Матеуш Фернандеш ўтган мавсумда барча турнирларда 42 та учрашувда майдонга тушиб, бешта гол урди ва бешта голли узатмани амалга оширди. "Вест Хэм" чемпионат якунига кўра Англия Премьер-лигасидан тушиб кетди.
