Мартин Эдегор: "АПЛда ҳеч қачон осон бўлмайди"

"Биз етарлича яхши ўйнамадик, вазиятни таҳлил қилиш учун вақт керак. Яхшироқ ўйнашимиз шарт эди, аммо ҳозир бирлашиб, ишни давом эттирамиз.

Биринчи бўлимда устунлик қилдик, гол урдик ва ўйинни назорат қилдик, бироқ кўп хатоларга йўл қўйдик. Ҳисобни 2:2га тенглаштиришга эришдик, лекин МЮ дарҳол жавоб голини урди. АПЛда ҳеч қачон осон бўлмайди, буни биламиз. Ўйинга яхши тайёргарлик кўргандик, яхши бошладик, аммо иккинчи бўлимда кўп нарса ўзгарди.

Албатта, ўйинимиз яхшироқ бўлиши мумкин эди ва бу мағлубиятдан хулоса чиқаришимиз лозим. Ҳар бир ўйин — катта синов, бу футболнинг бир қисми. Биз ҳали ҳам жадвал тепасидамиз, шунинг учун олдинга интилишни ва ғалабалар йўлига қайтишни давом эттиришимиз шарт, бу ягона дори", – деди Эдегор.

Маълумот учун, "Манчестер Юнайтед" 38 очко тўплаб, АПЛ жадвалида 4-ўринга кўтарилди. "Арсенал" эса 50 очко билан 1-ўринни эгаллаб турибди.