Микель Меринонинг захирадан майдонга тушиши ҳақида "Микель Мерино ҳеч қачон умидни пучга чиқармайди, унга ишониш мумкин. У бизга Европа чемпионатини ютиб берди ва энг муҳим пайтларда ҳамиша ёнимизда бўлади. У ўз позициясида дунёдаги энг яхши футболчилардан бири. Бизнинг захирамизда бошқа исталган терма жамоада асосий таркибда тушиши мумкин бўлган ўйинчилар бор. Мен жамоа учун нима яхшироқ эканлигини ўйлаб қарор қабул қиламан. Мен ҳеч қачон таваккал қилишга мойил бўлмаганман. Микель ажойиб ўйнайди ва доимо керакли жойда бўлади".
Ўйин олдидан Криштиану Роналду билан қучоқлашиши ҳақида "Биз вақти-вақти билан гаплашиб турамиз ва мен унинг қадриятлари, у нимани ифодалаши, спортга бўлган муносабатининг катта мухлисиман ҳамда у ёшлар учун намуна деб ҳисоблайман. Бирга бўлиш имконияти туғилганда, биз бир-биримизга ҳурматимизни изҳор этамиз".
Чорак финалдаги рақиб ҳақида "Биз чорак финалга чиққанимизнинг ўзини нишонлаяпмиз, ким билан ўйнашимиздан қатъи назар, ўйинга тайёрмиз. Биз ўйинни кутамиз ва ўзимизга ишонамиз. Бизда турнир мезбонларига қарши ўйнаш тажрибаси бор, масалан, Европа чемпионатида Германияга қарши", – деди де ла Фуэнте.
