Эслатиб ўтамиз, АҚШ терма жамоаси ҳужумчиси ЖЧ-2026 1/16 финалида Босния ва Герцеговинага қарши кечган баҳсда (2:0) Тарик Мухаремовичнинг оёқ тўпига босиб олгани учун ВАР текширувидан сўнг қизил карточка олганди. Кейинчалик Балогуннинг бир ўйинлик дисквалификацияси бир йиллик синов муддати билан тўхтатиб турилди – энди АҚШ ҳужумчиси 1/8 финалда Бельгияга қарши майдонга тушиши мумкин.
Дональд Трамп Жанни Инфантинога икки марта – Балогун четлатилганидан сўнг ва дисквалификация тўхтатилганидан кейин қўнғироқ қилгани ҳақида хабар берилганди. Кейинчалик АҚШ президенти ФИФА раҳбари билан гаплашганини тасдиқлади.
Бельгия футбол федерацияси (RBFA) ушбу қарор устидан шикоят қилишга уринди, бироқ унинг аппеляцияси рад этилди. ФИФА Аппеляция қўмитаси бельгияликларнинг сўровини "ноўрин" деб топди, чунки RBFA "жараёнда иштирок этаётган томон эмас ва шу сабабли қарор устидан шикоят қилиш ҳуқуқига эга эмас".
