Инсайдер Бен Джейкобснинг маълумотларига кўра, бу қарор клуб учун осон бўлмаган, чунки Слот дастлабки мавсумидаёқ "Ливерпуль" билан АПЛда ғолиб чиққан эди. Ҳатто ўтган мавсумда раҳбариятнинг позицияси қатъий бўлган — мураббийни алмаштириш режалаштирилмаган эди.
Бироқ энди клубда жамоага бошқа футбол вектори керак деган қарорга келинди. Истеъфонинг асосий сабаби — ўйин услубини ўзгартириш истагидир: "Ливерпуль" янада ҳужумкор, тажовузкор, интенсив, шиддатли ва рақибга катта босим (прессинг) ўтказадиган футбол ўйнашни хоҳламоқда.
Айни пайтда клуб янги мураббийни айнан мана шу талаблардан келиб чиқиб изламоқда. Бош вазифа — кўзланган футбол моделига энг мос келадиган мутахассисни топишдан иборат.
Мураббийлик масаласи мавсум олди тайёргарлик жараёнига таъсир қилмаслиги учун "Ливерпуль" тезкорлик билан ҳаракат қилишга қарор қилган.
