Аввалроқ ушбу лавозимга асосий номзод Андони Ираола эканлиги хабар қилинган эди.
"Мен бундан ҳайратда эмасман. Арне Слотга жуда ачинаман, чунки у ўзининг дастлабки мавсумида ақл бовар қилмас ишни амалга оширди. Буюк Юрген Клоппдан кейин жамоани қабул қилиб олиш осон вазифа эмасди ва унинг зиммасига катта масъулият тушганди. Менимча, у буни аъло даражада уддалади. Премьер-лигада ғолиб чиқиш жуда қийин ва буни мен ҳаммадан кўра яхшироқ биламан".
Ираола "Ливерпуль"га мос келиши ҳақида
"Ўйлайманки, потенциал жиҳатдан ҳа, мос келади. У "Борнмут"да ажойиб ишни бажарди ва унинг услуби "Ливерпуль"га тўғри келган бўларди, аммо келинг, воқеалардан илгарилаб кетмайлик. "Ливерпуль"даги иш дунёнинг кўплаб элита даражасидаги мураббийлари учун жозибали ҳисобланади, шу боис у ягона номзод бўлади деб ўйламайман. Бироқ унинг "Борнмут"даги фаолияти ҳамда ушбу клубдан "Ливерпуль"га келган инсонлар сабабли, улар бир-бирларини жуда яхши билишади.
Шундай бошқа номзодлар ҳам борки, улар "Ливерпуль"даги ушбу лавозимни эгаллашни хоҳлашларига ишончим комил. Бу жаҳон футболи миқёсида жуда муҳим иш, аммо саволингизга жавоб берадиган бўлсам, менимча, [Ираола] номзодини кўриб чиқиш керак, ҳа", — деди Жеррард.
