Бу ҳақда Польшанинг Prawda Futbolu порталига таянган ҳолда Sport.es нашри хабар бермоқда.
Манбанинг берган маълумотига кўра, форварднинг маоши кафолатланган 15 млн еврони ташкил этади, яна 5 млн еврони эса Левандовски спорт натижаларига қараб бонуслар тариқасида қўлга киритиши мумкин.
Левандовскининг атрофидагилар у ва унинг оиласи учун тўлиқ ҳаёт режасини тақдим этган "Чикаго Файр" клубининг қатъиятидан ҳайратда қолишган. АҚШ клуби ҳужумчининг яшаш жойи ҳамда фарзандлари учун мактаб масаласини ўз зиммасига оладиган бўлди. Америка клубининг ушбу таклифи футболчини Саудия Арабистонига ўтиш вариантларини рад этишга ишонтира олди.
