Шу тариқа, Левандовски Каталония клуби тарихида энг ёрқин из қолдирган футболчилар рўйхатини тўлдирди.
Ушбу бўлимда, шунингдек, Лионель Месси, Хосеп Гвардиола, Диего Марадона, Йохан Кройф ва “Барселона” ҳамда жаҳон футболининг бошқа афсоналари ўрин олган.
Эслатиб ўтамиз, “кўк-анорранглилар” сафидаги фаолияти ўз ниҳоясига етгач, Роберт хайрлашув постини эълон қилганди.
“Синовлар ва оғир меҳнатга бой бўлган тўрт йилдан сўнг олдинга ҳаракат қилиш вақти келди. Мен ўз миссиямни бажардим деган ҳис билан кетмоқдаман. Тўрт мавсум ва учта чемпионлик. Биринчи кунларимданоқ мухлислардан олган меҳр-муҳаббатни ҳеч қачон унутмайман. Ушбу гўзал тўрт йил давомида йўлимда учраган барчага раҳмат”, – деб ёзган эди ўшанда Левандовски.
Левандовски 2022 йилнинг ёзидан буён “Барселона”да ўйнаб келаётганди. Ҳужумчи каталонияликлар сафида барча турнирларда жами 193 та ўйинда майдонга тушиб, 120 та гол ва 24 та голли узатмага муаллифлик қилди. Польшалик форвард “кўк-анорранглилар” таркибида уч марта Испания чемпиони бўлди, мамлакат Кубогини ва уч марта миллий Суперкубокни қўлга киритди.
