"Мен "Милан" тарихига кирганимдан фахрланаман, лекин янги саҳифа очишни хоҳлайман. Бошқа чемпионатда ўйнашга тайёр эканлигимни ҳис қиляпман.
Мен "Милан" учун қўлимдан келган барча ишни қилдим, аммо янги чорловни қабул қилиш вақти келди", — деди Леау Sport TV телеканалига берган интервьюсида.
Италия Серия А нинг якунланган мавсумида 26 ёшли Леау 29 та ўйинда майдонга тушиб, 9 та гол урди ва 3 та голли узатмани амалга оширди. Унинг жамоаси эса бешинчи ўринни эгаллаб, Чемпионлар лигасига йўлланма ололмади. Шунингдек, Рафаэл ҳисобида Италия кубоги доирасида 2 та ўйин ва 1 та гол бор. Португалиялик футболчи 2019/2020 йилги мавсумдан бери "россонери" шарафини ҳимоя қилиб келмоқда.
Бундан олдин футболчига "Реал", "Манчестер Сити" ва "Манчестер Юнайтед" каби гранд клублар томонидан қизиқиш бўлаётгани хабар қилинганди. Шунингдек, Туркиянинг "Галатасарай" ва "Фенербахче" клублари ҳам Леауга қизиқиш билдиришган.
