Клуб матбуот хизмати маълум қилишича, жамоа сардори Анваржон Ғофуров, шунингдек, Муҳсин Убайдуллаев, Зоран Марушич, Коффи Куао, Йован Жокич ва Абдулла Абдуллаев жароҳатлари сабабли мазкур баҳсда иштирок этмайди.
Ҳозирча футболчиларнинг жароҳатлари қай даражада жиддий экани ва уларнинг қачон сафга қайтиши ҳақида маълумот берилмаган.
Эслатиб ўтамиз, "Нефтчи" мазкур учрашувда ярим ҳимоячи Икромжон Алибоевнинг хизматидан ҳам фойдалана олмайди. Футболчи "Ал Насср"га қарши баҳсда майдондан четлатилгани учун ОФК томонидан икки ўйинга дисквалификация қилинган.
Маълумот учун, "Трактор" ва "Нефтчи" ўртасидаги Осиё Чемпионлар лигаси Элит турнири 4-тур учрашуви 2 ноябрь куни Уммон пойтахти Маскатдаги "Султон Қобус" спорт мажмуасида бўлиб ўтиши режалаштирилган.
